Zamek świyntochlowicki

Zamek świyntochlowicki

autor Henryk Sienkiewic


z moich łokyn łotwiyroł sie kedyś widok na łogródki i zamek
ale późni wszystko zasłonioł dugi i tympy blok gomułkoski
kedy burzyli tyn zamek moi starzy sie – niyszczynśni – poznali
i urodzioł żech sie niyjako na łopak i gynał w poprzek

zamek niydowno zmartwychwstoł z wynglowych popiołów
ukozoł mi nareszcie w znolezionych zdjynciach swe łoblicze
niy był warowny repryzyntacyjny – ale bez łozdób
dwór ze spadzistym dachym abo zasobny śpichlyrz

jego architektoniczne formy zdradzajom barok
łoziymnosty wiek – mieszkoł tu wtedy dziedzic
godajom że tyn zamek mioł lochy do skałki i mury grube bardzo
ale na koniec należoł do familii czynszowych kamiynic

bliży w lewo stoł mały rodzinny domek dawidów
imgatka była dziołchom stamtąd rówieśnicom mamy
to zdrobniynie imiynia irmgarda – pewnie z czymś takim
nigdy nie wlazła do żodny polski awangardy

wspaniało przestrzyń zamykała ulica dugo zwano langera
przi ni szkoła i domy w historyzujoncych stylach
z prawy miasteczko we mgle królewsko huta
i – kaj urodzioła się Sarynka – skrzinia szpitala jak trumna

łogródki tworzoły wiosnom rozśpiywane ptasie dziwo
można pedzieć że do zamku przylegoł park sielankowy
dali przecinała je rzeczka pieronym smrodliwo – ale to łostatnio
a przez stulecia młyn i wodotrysk dla cowieka i krowy

chciołbych dorwać tych co zamordowali taki pejzaż
ale fto to boł? wisarionowicz le corbusier dziwok los stetryczały
a może powie mi blizna na klacie z kerom żech sie wtedy urodzioł
jak diobelski stympel w koszmarnym piśmie urzyndowym